3 Sayyaf bomber nasabat, dedo sa encounter
Planong pagpapasabog sa Mindanao nasilat
MANILA, Philippines — Patay ang tatlong miyembro ng Abu Sayyaf Group (ASG) matapos na makaengkuwentro ang mga tauhan ng Philippine National Police-Intelligence Group sa Zamboanga City, kahapon.
Sa report na nakarating sa Camp Crame, ang mga ASG terrorists na sina Radi Nalul Tahirin, Hasan Alimin, at Abdilla Aspalin ay magsasagawa sana umano ng mga serye ng pagsabog sa Mindanao nang masabat ng mga awtoridad.
Nauna rito, nakatanggap ang PNP-IG na patungo ang tatlong ASG members sa Zamboanga City mula sa Sulu upang maghasik ng karahasanan sa pamamagitan ng mga pambobomba sa mga target na lugar sa Mindanao.
Naharang ng mga pulis ang pump boat ng mga suspek na armado ng mga baril na nagbunsod ng bakbakan. Narekober din ang pump boat at iba’t ibang uri ng pampasabog.
Agad umanong namatay ang isa sa mga suspek habang ang dalawa ay idineklarang dead-on-arrival sa ospital.
- Latest