ANGELES CITY, Pampanga, Philippines — Naaresto ng mga otoridad ang anim katao kabilang ang itinuturing na high value target (HVT) sa isinagawang magkahiwalay na drug buy-bust operation sa Brgy.Claro M. Recto, at Brgy. Sta. Trinidad kahapon ng madaling araw.
Kinilala ang mga suspek na sina Noel Nacpil, 39; Rhealyn Sanchez, 34; Mark Ryan Meneses, 42; Remegio Saratan,47, alias “Renato Saratan”; Roel Carlos, 44; at Rhelly Gumabon,35.
Nasamsam sa mga suspek ang nasa humigit kumulang sa 16.5 gramo ng hinihinalang shabu na may street value na P112,000.00 at buy-bust money na ginamit sa operasyon.