BIFF kumander, 2 pa sumurender
NORTH COTABATO, Philippines — Tatlong miyembro ng local terrorist group na Bangsamoro Islamic Freedom Fighters (BIFF) ang sumuko sa militar, partikular sa 34th Infantry Battalion sa Northern Kabuntalan, Maguindanao nitong Oktubre 27.
Ang mga sumuko na ‘di muna inihayag ang pangalan at isa sa kanila ay brigade commander ng samahan ay mga residente ng Sitio Bentad at Sitio Macantal ng Brgy. Ulandang, Midasayap, North Cotabato.
Ang mga dating rebelde ay mula sa pangkat ni wanted BIFF leader Imam Karialan at nanumpa na hindi na babalik sa pakikibaka.
Kasamang isinuko ng mga dating rebelde ang bitbit nilang armas na Caliber 50 BMG 12.7x99mm sniper rifle at isang M14 sniper rifle Barret at mga bala.
- Latest