NORTH COTABATO, Philippines — Mlang-Hindi na umabot ng buhay ang isang 21-anyos na binata matapos na ito ay barilin habang kumakain ng isang lalaki, kamakalawa ng gabi sa Magsaysay Avenue, Barangay Poblacion sa nasabing bayan.
Ang nasawi ay kinilalang si Aldrin Mendigoria Tangonan Jr., 3rd Education student, na residente ng Barangay Osias, Kabacan, Cotabato.
Sa report, alas-8:00 ng gabi habang kumakain ang biktima kasama ang isang kaibigan nang lapitan ng suspek na kinilalang si Jerson Dulana Papna, 42, obrero at residente ng Bialong, Mlang at agad na sinuntok ang biktima na bumulagta sa sahig at pagkatapos ay binaril sa noo.
Patuloy ang imbestigasyon ng pulisya sa motibo ng pagpatay ng suspek na pinaghahanap ng pulisya.