Killer ng lover, timbog matapos ang 10 taon na pagtatago
CAVITE, Philippines — Matapos ang may 10 taong pagtatago sa batas ay nadakma nang pinagsanib na puwersa ng pulisya ang top 2 most wanted sa lalawigan na nakapatay sa kanyang kinakasama, kamakalawa.
Kinilala ni Cavite Provincial Director Police Col Marlon Santos ang suspek na si Reagan Isagani Santos, nasa hustong gulang, residente ng Brgy. Aplaya Munti, Cavite City at nasa top 2 most wanted person sa lalawigan.
Nabatid na nagsagawa ng ilang araw na surveilance operation ang mga pulis matapos mamataan ang suspek sa isang lugar sa Hagonoy, Bulacan kung saan ito nagtago kaya’t ikinasa ang pagdakip dito.
Sa pagsisiyasat ng pulisya, buwan ng Abril 2010 nang pagbabarilin ng suspek ang isa nitong kapitbahay na kung saan ay napatay ang tiyuhing si Adolfo Santos at ang live-in partner na si Alona Bautista sa Cavite City at pagkatapos ay tumakas at nagtago na umabot sa 10 taon hanggang sa ito ay masukol sa Bulacan.
- Latest