MANILA, Philippines — Bumulagta ang isang barangay kagawad makaraang pagbabarilin ng riding-in-tandem sa bahagi ng Bautista St., Brgy. Dadiangas North, General Santos City kahapon ng umaga.
Kinilala ang biktima na si Abdulmajid Mamalumpong, konsehal ng Barangay Baluan sa nasabing siyudad.
Sa ulat, alas-8:00 ng umaga nang makarinig ang mga residente ng limang putok ng baril sa lugar bago natagpuang nakahandusay at duguan ang konsehal sa tabi ng daan. Ayon sa mga pulis, may nakalap silang impormasyon na sakay diumano ng kulay pulang Raider 150 ang mga suspek na bumaril sa kagawad.
Dead-on-the-spot ang kagawad matapos magtamo ng mga tama ng bala sa iba’t ibang bahagi ng katawan.