MANILA, Philippines — Isang linggo na pansamantalang isasara ang tanggapan ng Department of Health (DOH)-Calabarzon (Cavite, Laguna, Batangas, Rizal, Quezon) matapos na magpositibo sa COVID-19 ang pitong staff nito sa isinagawang swab test sa lahat ng kanilang empleyado.
Ayon kay DOH Regional Director Eduardo Janairo na isasara ang kanilang tanggapan mula Hulyo 27 hanggang Hulyo 31 para sa gagawing paglilinis at disinfection.
“Close contacts of those who have been found to be positive of the virus will undergo strict quarantine and isolation as per requirement to prevent its further spread. These measures shall be employed to ensure the health and safety of the employees and the public as well,” ani Janairo.
Nabatid na sa pitong confirmed cases, anim dito ay kasalukuyang active cases.
Dagdag pa ni Janiaro, lahat ng official communications ay idadaan sa kanilang DOH-Calabarzon official website na chd4a_doh_calabarzon@yahoo.com at ipatutupad sa lahat ng kanilang staff ang “work-from-home (WFH)” basis para maipagpatuloy ang mga serbisyong kinakailangan.
Ang tanggapan ng DOH-Calabarzon Regional Office ay matatagpuan sa Quirino Memorial Medical Center Compound in Project 4, Quezon City. Babalik umano ang kanilang operasyon sa Agosto 3, 2020.