CAVITE, Philippines — Isang 67-anyos na lola ang nasawi matapos na suwagin ng isang motor habang tumatawid sa Brgy. Salitran Dasmariñas City, lalawigang ito kamakalawa.
Kinilala ang biktima na si Monera Nonok, 67-anyos, residente my B1, L6B, Orchid Drive, South Garden Homes Subd., Salitran 3, Dasmariñas City.
Hawak na ng pulisya ang driver ng motorsiklo na si Rysan Custodio, 22-anyos ng BC3, L8, Luzviminda II, Dasmariñas City. Sa ulat, pasado alas-3 ng hapon habang tumatawid ang biktima nang tumbukin siya ng isang Motorstar MC na minamaneho ni Custodio.
Sa lakas ng pagkakasalpok, tumilapon ang matanda at nagpagulung-gulong sa kalsada.
Naitakbo pa siya sa ospital subalit namatay rin sanhi ng matinding pinsala sa ulo. Nahaharap sa kasong reckless imprudence resulting in homicide ang suspek.