Dance showdown nauwi sa rambol: 1 todas
RIZAL, Philippines — Nauwi sa rambol ang showdown sa sayawan ng mga kabataan na nagresulta sa pagkamatay ng isa sa mga participant sa dance floor ng isang resto bar sa bayan ng Tanay, dito sa lalawigan, kahapon ng madaling araw.
Ang nasawi ay nakilalang si Eris San Juan, nasa hustong gulang at nakatira sa Brgy. Sampaloc, Tanay, Rizal. Siya ay nagtamo ng maraming tama ng saksak ng patalim sa iba’t ibang bahagi ng katawan na nagresulta ng kanyang agarang kamatayan.
Batay sa imbestigasyon, ang krimen ay naganap sa Barendilla Resto Bar, sa Barangay Sampaloc, Tanay dakong alas-2:30 ng madaling araw. Habang masayang sumasayaw ang grupo ng biktima nang sumali at makipag-showdown ang kabilang grupo ng mga lalaki.
Pero habang nagaganap ang showdown, nagkatulakan at nagrambulan ang magkabilang panig at nang huminto na ang tugtugan ay nakita na lamang na duguang bumagsak ang biktima dahil sa tama ng saksak sa iba’t ibang parte ng katawan.
- Latest
