Mister grinipuhan sa bertdeyan
KIDAPAWAN CITY, Philippines — Nasawi ang isang 41-anyos na mister matapos pagtulungang bugbugin ng tatlo nitong kainuman at pagsasaksakin pa ng isa sa mga ito makaraang mauwi sa pagtatalo ang kanilang inuman sa isang birthday party sa Purok 1, Brgy. Lampayan, Matalam, North Cotabato, hapon nitong Miyerkules.
Ang nasawing biktima ay si Arthuro Sabado, may asawa, at residente sa nabanggit na lugar.
Tinutugis namang ang tumakas na suspek na sumaksak umano sa biktima na si Felimon Cabilugan, 51, isa ring magsasaka; habang naaresto naman ang anak nito na si Marvin Cabilugan, 27, at John Clair Asagra, 25; tinuturong tumulong na bugbugin ang biktima bago pagsasaksakin ni Felimon.
Sa ulat ng Matalam PNP, dakong alas-4:00 ng hapon, habang nakipag-inuman ang biktima kasama ang mga suspek sa isang birthday party ay bigla silang nagkaroon ng matinding pagtatalo kung saan pinagtulungan ng tatlo ang biktima.
Dito na sinaksak ng amang si Cabilugan ang biktimang si Sabado gamit ang isang kutsilyo at natamaan sa kaliwang tiyan na nagresulta sa agaran nitong pagkamatay.
- Latest