Ex-official ng Bayan nilikida

LEGAZPI CITY, Albay  , Philippines  —  Bulagta ang isang  da­ting campaign committee chief ng Bagong Alyansang Makabayan (Bayan) matapos na pagbabarilin ng isang gunman na nakasakay sa isang puting pick-up truck sa kahabaan ng kalsada ng Zone-4, Brgy. San Isidro, Naga City, Camarines Sur kahapon ng umaga.

Dead-on-the spot dahil sa tama ng bala sa iba’t ibang bahagi ng katawan ang biktimang si Neptali Ramos Morada, residente ng Zone-2, Brgy. Carolina. Hindi naman nakilala ang gunman na nakasakay sa isang puting pick-up truck na hindi nakuha ang plaka na agad tumakas makaraan ang pamamaril.

Sa ulat, dakong alas-7 ng umaga, sakay ng kanyang motorsiklo ang biktima patungo sa Brgy. Cararayan nang barilin ng suspek na agad tumakas.