Mag-utol tiklo sa P4-M shabu
LEGAZPI CITY, Albay, Philippines — Sa selda ang bagsak ng isang magkapatid matapos masakote sa isang buy-bust operation ng mga otoridad at makumpiskahan ng isang malaking sachet ng shabu na nagkakahalaga ng mahigit P4-milyon sa Zone-4, Brgy. Tabuco sa Naga City, Camarines Sur kahapon ng umaga.
Nahaharap na ngayon sa kasong paglabag sa RA 9165 o Comprehensive Dangerous Drugs Act of 2002 sina Edgar Majencar Jr., 26, isang call center agent at Edward Majencar, 25, pawang residente ng nasabing barangay.
Sa ulat ni Police Major Ma.Luisa Calubaquib, tagapagsalita ng Camp Gen.Simeon Ola, matapos ang ilang araw na pagmamanman, dakong alas-10:30 ng umaga ay inilatag ng mga operatiba sa pangunguna ni Lt. Col. Errol Garhitorena ang buy-bust operation laban sa magkapatid sa loob mismo ng kanilang bahay.
Matapos magkaabutan ng droga at pera ang mga suspek at ang pulis na tumayong buyer ay dito na agad inaresto ang dalawa kung saan nakuha mula sa kanila ang isang malaking sachet ng shabu na may kabuuang halaga na P4,080,000.
- Latest
