Kuliglig vs van: 4 patay
MANILA, Philippines — Nasawi ang apat na katao kabilang ang isang 3-anyos na bata habang isa ang sugatan matapos magsalpukan ang isang kuliglig at pampasaherong van sa kahabaan ng national highway sa Brgy. Liwanag, Tumauini, Isabela kahapon ng umaga.
Sa report ng Isabela Po-lice, kinilala ang mga nasa-wing biktima na sina Jaime infiel, 63-anyos; Mila Barbieto, 59; Catalina Cabasi, 57; at ang tatlong taong gulang na si Christine Barbieto; pawang residente ng Brgy. Lalauanan ng bayang ito.
Ang mga biktima ay pawang dead-on-arrival sa Isabela Provincial Hospital sa Ilagan City sanhi ng ma-lulubhang sugat na tinamo ng mga ito sa katawan. Patuloy namang nilalapatan ng lunas ang sugatang biktima na hindi natukoy ang pagkakakilanlan.
Dakong alas-9:20 ng umaga nang mangyari ang malagim na insidente sa kahabaan ng nasabing highway sa Brgy. Liwanag ng bayang ito.
Ayon sa pulisya ang van ay minamaneho ni Michael Cariño, 29, ng Abulug, Cagayan na mabilis ang takbo nang aksidente nitong mahagip ang kuliglig na sinasakyan ng mga biktima.
Sa lakas ng pagkakabangga ay tumilapon ang mga biktima na minalas pang magulungan ng rumaragasang van.
Nagawa pang maisugod sa pagamutan ang mga biktima pero nabigong mailig-tas ang buhay ng mga ito.
Nasakote naman ng mga nagrespondeng operatiba ng pulisya ang driver ng van na ngayon ay nahaharap sa kasong reckless imprudence resulting to 4 counts of homicide at physical injury.
- Latest
