Magdyowa tiklo sa droga
CAVITE, Philippines — Nasakote ng Rosario Police ang mag-dyowa na umano’y mga tulak ng droga sa isinagawang buy-bust operation kamakalawa ng hapon sa Brgy. Tejero ng nasabing bayan.
Kinilala ni Police Chief Insp Dhefry Punzalan. hepe ng pulisya sa bayang ito ang mga suspek na sina Marvin Emelo, 30-anyos, caretaker at residente ng Brgy. Tejeros Convention, Cavite at ang nobya nito na si Ailyn Jaranilla, 24, ng Brgy. Wawa 1, Rosario, Cavite na kasama rin sa bagong listahan ng mga identified drug personality sa bayang ito.
Ayon kay Punzalan, nagkasa sila ng buy-bust operation laban sa mga suspek ganap na alas-4:45 ng hapon sa Barangay Tejeros Convention ng bayang ito. Isang pulis ang tumayong scorer at nakipag-transact sa mga suspek at nang magpositibo ang operasyon, agad na dinakma ang dalawa.
- Latest
