DI-Maute sub-leader sumuko
MANILA, Philippines — Dahil sa matinding pressure sa military operation, sumuko sa tropa ng mga sundalo ang isang Daesh Inspired (DI)-Maute terrorist sub-leader sa Lumba Bayabao, Lanao del Sur nitong Martes ng umaga.
Kinilala ni Capt. Clint Antipala, spokesman ng Army’s 1st Infantry Division (ID) ang sumukong DI Maute terrorist sub-leader na si Aloyodan Bantak alyas Ibrahim Bantak.
Bandang alas-10 ng umaga nang sumurender sa mga elemento ng Army’s 49th Infantry Battalion (IB) sa Lumba Bayabao, Lanao del Sur ang suspek.
“Aloyodan Bantak, also known as alias Ibrahim Bantak’s surrender was facilitated by local government unit of Lumba Bayabao,” ani Lt. Col. Edgar Allan Villanueva, the 49th Infantry Battalion Commander.
Sa interogasyon, nabatid na si Bantak ay sangkot sa Butig siege sa Lanao del Sur at siyang recruiter ni Owaida Marohombsar na mas kilala bilang si Abu Dar, lider ng Maute-Islamic State of Iraq and Syria (ISIS).
Isinurender ni Bantak ang isang cal 5.56mm sniper rifle, dalawang grenade launchers magazine at mga bala. (trainee Kim Micah Cabual)
- Latest
