Motorsiklo sumemplang: 2 lasog
MANILA, Philippines — Dalawa katao ang nasawi makaraang maaksidente ang sinasakyan nilang motorsiklo habang bumabagtas sa kahabaan ng Bypass Road, Brgy. Camantiles, Urdaneta City, Pangasinan nitong Lunes ng gabi.
Idineklarang dead-on-arrival sa Urdaneta District Hospital ang mga biktimang sina Robert Daus, 32-anyos ng Brgy. Poblacion at backrider na si Alberto Baga Jr., 29, ng Brgy. San Vicente West; pawang ng lungsod.
Sa ulat, bandang alas–7:50 ng gabi, kasalukuyang bumabagtas sa lugar ang kulay itim na Honda TMX 155 na minamaneho ni Daus habang angkas si Baga patungo sa silangang direksyon nang bigla itong sumemplang sa pakurbada at baku-bakong daan na sumalpok pa sa barandilyang bakal sa naturang bahagi ng highway.
Unang nahulog sa motorsiklo ang backrider habang ang driver ay bumagsak din sa lupa kasama ng sumemplang na motorsiklo.
- Latest
