Pickup hulog sa bangin, 2 guro utas
MANILA, Philippines — Nasawi ang mag-asawang guro matapos mabangga ng 10-wheeler truck ang kanilang sinasakyang Hilux pickup at saka nahulog sa bangin sa Purok 4, Poblacion, Laguindingan, Misamis Oriental kamakalawa ng tanghali.
Kinilala ni Sr. Insp. Vernil Alinas ng Laguindingan Police Station ang mag-asawang nasawi na sina Cosain Waida Amer at Jacklyn Malabanan, kapwa nasa hustong gulang at taga-Lakitan Madamba, Lanao del Sur.
Sa ulat, biglang nag-u-turn ang pick-up kaya nabangga ng humaharurot na truck at nakaladlakad hanggang sa mahulog sa bangin na agad na ikinamatay ng ginang habang nadala pa sa ospital si Amer ngunit binawian din ng buhay dahil sa pinsalang natamo sa katawan.
Nahaharap sa kasong reckless imprudence resulting in multiple homicide ang sugatang driver na si Elbert Janonilo ng Tubigan, Initao, Misamis Oriental.
- Latest
