School principal itinumba
MANILA, Philippines — Nasawi ang isang punong-guro ng paaralan matapos pagbabarilin mismo sa loob ng eskuwelahang pinaglilingkuran ng isang ‘di pa natutukoy na gumman sa Brgy. Kadigasa sa bayan ng Midsayap, North Cotabato, kahapon ng hapon.
Kinilala ng Midsayap PNP ang biktima na si Anok Satol Dagadat, 53 taong gulang, may asawa at principal ng Kadigasan Elementary School.
Sa inisyal na report ng mga otoridad, pasado alas-12:00 ng tanghali kahapon habang nagpapahinga ang biktima sa loob ng kanyang tanggapan sa kanilang paaralan nang bigla siyang pasukin ng suspek at walang abug-abog na agad na pinagbabaril.
Personal na alitan ang nakikitang motibo ng pulisya sa pagpaslang kay Dagadat.
- Latest