Rider salpok sa multicab, dedo
MANILA, Philippines — Nasawi noon din ang isang 19-anyos na binata matapos na sumalpok ang kanyang minamanehong motorsiklo sa kasalubong na multicab sa South Upi sa lalawigan ng Maguindanao, Miyerkules ng gabi.
Pauwi na sana ang biktima na kinilalang si Joseph Anton nang sumalpok ang kanyang motorsiklo sa multicab na minamaneho ng isang James Lamalan, 30-anyos na taga-Awang, Datu Odin Sinsuat, Maguindanao.
Nangyari ang insidente dakong alas-7:00 ng gabi sa kurbadang daan ng Sitio Kiamfas, Brgy. Looy, South Upi, Maguindanao.
Nasa kustodiya na ngayon ng South Upi Police ang suspek.
- Latest