2 pulis bulagta sa NPA ambush!
MANILA, Philippines — Dalawang pulis ang napatay matapos silang tambangan at pagbabarilin ng mga hinihinalang miyembro ng New People’s Army (NPA) kahapon sa Taytay, Palawan.
Kinilala ang mga biktimang sina P03 Alexander Minbalawag at P01 Jofitry Gustaham na kapwa dead-on-the spot sa lugar.
Ayon kay Chief Supt. Emmanuel Licup, regional director ng Police Regional Office IV-B, nakatanggap ang Taytay Police ng tawag tungkol sa isang umano’y vehicular accident sa kalapit nilang lugar dakong alas-10 ng umaga. Gayunman, nang kanilang respondihan, lumalabas na isa palang ambush ang sinasabing aksidente.
Nabatid na tinamaan ng mga bala ng baril sina Minbalawag at Gustaham na naging sanhi ng kanilang kamatayan.
Patuloy namang inaalam ng pulisya kung nakunan ng CCTV camera ang pananambang.
- Latest