81-anyos lolo pisak sa jeep

LEGAZPI CITY, Albay, Philippines — Nabasag ang ulo at nalasog ang katawan ng isang 81-anyos na lolo matapos mabangga ng rumaragasang pampasaherong jeep sa kahabaan ng national highway sa Sitio Calpi, Brgy. Miaga, Uson, Masbate kamakalawa ng umaga.

Dead-on-the-spot ang biktimang si Francisco Gutierez, residente ng nasabing barangay. Agad namang sumuko sa mga rumespondeng pulis ang driver ng jeep na si Arnelo Belegano, 36, ng bayan ng Placer.

Sa ulat, dakong alas-7:30 ng umaga, papatawid ang biktima sa highway nang biglang mabangga ng pampasaherong jeep na walang plaka. Sa lakas ng bangga, tumalsik ang matanda ng ilang metro sa kalsada at agad nasawi dahil sa matinding pinsala sa ulo at katawan.