TUGUEGARAO CITY, Cagayan, Philippines — Tigok ang dalawang magsasaka sa loob ng isang siyam na metrong lalim na balon habang isinasaayos ang pagpapatubig sa kanilang sakahan sa Barangay Naruangan, Tuao, Cagayan noong Huwebes.
Sa report na nakarating sa hepe ng pulisya na si Chief Insp. Reymund Asistores; lumusong sa butas sina Martin Lamusao, 56-anyos at Romeo Agustin, 43 taong gulang upang ayusin ang sirang bahagi ng tubo bago nila paandarahin ang water pump para sa irigasyon.
Gayunman, dahil sa matinding init at kawalan ng hangin ay nawalan ng ulirat ang dalawa sa loob ng butas. Dakong tanghali na naiahon ng mga kanayon ang katawan ng mga biktima saka isinugod sa Rural Health Unit Clinic kung saan sila idineklarang patay.