Tserman bulagta sa tandem
MANILA, Philippines — Nasawi noon din ang isang kapitan ng barangay matapos siyang pagbabarilin ng isang riding-in-tandem sa tapat mismo ng kanyang tahanan sa Brgy. Lapinig sa bayan ng Gubat, Sorsogon, kamakalawa ng umaga.
Hindi na umabot nang buhay sa pagamutan makaraang mapuruhan sa ibat-ibang bahagi ng kanyang katawan ang biktimang si Romeo Gavino, nasa hustong gulang at incumbent chairman ng naturang barangay.
Sa police report na nakarating sa Camp Gen. Simeon Ola, dakong alas-11:10 ng umaga, habang nagpapahangin sa labas ng kanilang bahay si Gavino nang biglang dumating ang ‘di nakilalang armadong mga lalaki na lulan ng hindi naplakahang motorsiklo at biglang bumunot ng baril sa kanyang harapan. Bago pa nakatakbo ang biktima ay walang patumanggang pinaputukan siya nang sunud-sunod sa iba’t- ibang bahagi ng katawan.
Patuloy ang ginagawang imbestigasyon ng mga pulis sa pagkakakilanlan ng suspek at ang motibo sa naturang pamamaslang. Joy Cantos
- Latest
