Tamad maghugas ng pinagkainan
TUGUEGARAO CITY, Cagayan , Philippines — Dahil sa pagtangging maghugas ng kanilang pinagkainan, utas ang isang 47-anyos na kawani ng Department of Environment and Natural Resources (DENR) matapos ratratin ng kanyang katrabaho sa loob ng seedling nursery ng kagawaran sa Brgy. Cacafean, Marcos, Ilocos Norte kamakalawa. ?
Kinilala ni Sr. Insp. Joseph Calderon, hepe ng Marcos Police ang napatay na si Marcial Barid, 47, habang ang suspek ay si Ronald Bineg, 39.?
Ayon kay Calderon, kapwa lasing ang dalawa ng magtalo kung sino ang maghuhugas ng kanilang pinaglaklakan sa loob ng nursery hanggang sa humantong ito sa pamamaril ni Bineg sa kasama dakong alas-8 ng gabi. ?
Tumakas si Bineg subalit kalaunan ay sumuko kay Chairwoman Helen Abrigado ng nasabing barangay.?
Tinunton pa ng pulisya ang murder weapon na isang cal. 30 carbine rifle base sa narekober na basyo ng bala sa crime scene.