NORTH COTABATO, Philippines – Napaslang ang 69-anyos na lolo matapos itong pagbabarilin ng kanyang utol dahil sa awayan sa lupa sa Purok Sentro, Barangay New Rizal sa bayan ng M’Lang, North Cotabato kahapon ng tanghali. Kinilala ang napatay na si Thomas Buenaflor habang nasakote naman sa follow-up operation ng pulisya ang suspek na si James Buenaflor, 66, kapwa nakatira sa nasabing bayan. Sa ulat na ipinadala ni P/Supt. Bernard Tayong, tagapagsalita ng Cotabato PNP provincial office, magkasabay na umuwi ang magkapatid mula sa pakikipaglibing sa kanilang kapatid nang maganap ang pagtatalo. Narekober sa crime scene ang pitong basyo ng bala ng cal. 45 pistol.