LEGAZPI CITY, Albay, Philippines – Napatay ang 56-anyos na financier ng small scale mining matapos itong tambangan ng motorcycle-riding gunmen sa Barangay Tawig, bayan ng Paracale, Camarines Norte kamakalawa ng hapon. Napuruhan sa tagiliran ng katawan ang biktimang si Zaldy Ofalza ng P-Masagana, Barangay Palanas sa nasabing bayan at dating barangay chairman. Sa police report na isinumite sa Camp Simeon Ola, pauwi na ang biktimang nagmomotorsiko mula sa bahay ng kanyang tauhang si Joel nang ratratin ng tandem assassins pagsapit sa nasabing lugar. Narekober sa crime scene ang mga basyo ng bala ng cal. 45 pistol at cal. 9mm pistol habang patuloy naman ang pagsisiyasat.