Trader utas sa holdaper

LEGAZPI CITY, Albay, Philippines – Napatay ang 35-anyos na negosyante matapos pagbabarilin ng mga di-kilalang holdaper sa Sitio Mabinunga, Barangay Bogtong sa bayan ng Mandaon, Masbate kamakalawa. Kinilala ang biktima na si Rene Robles ng Barangay Asid sa Masbate City, Masbate. Base sa police report, naglalako ng iba’t uri ng appliances ang biktima nang harangin at holdapin ng mga di-kilalang lalaki. Gayon pa man, pumalag ang biktima kaya ito niratrat saka iniwan ang bangkay sa gilid ng kalsada. Nawawala ang shoulder bag ng biktima na naglalaman ng malaking halaga habang patuloy naman ang pagsisiyasat.