TUGUEGARAO CITY, Cagayan, Philippines - Ikalawa nang paglalamayan sa kanilang lugar ang 53-anyos na magsasaka matapos itong pagbabarilin ng di-kilalang lalaki habang natutulog sa gitna ng lamayan sa burol ng kanilang chairman sa Barangay Culalabo del Sur, bayan ng Burgos, Isabela kahapon ng madaling araw. Kinilala ni P/Senior Insp. Roland Gatan, hepe ng Burgos PNP ang biktma na si Eddie Monforte ng nabanggit na bayan. Lumalabas sa imbestigasyon na napuyat ang biktima sa paglalaro ng baraha sa lamay ni Chairman Francisco Esteban. Gayon pa man, nagpasya ang biktima na matulog sa duyan na nasa likuran ng katabing bahay subalit biglang lumapit at pinagbabaril ito ng di-kilalang lalaki. Pinaniniwalaang napagkamalan lamang ng gunman ang biktima na nakaalitan nito kaya isinagawa ang pamamaslang.