TUGUEGARAO CITY, Philippines —Love triangle ang isa sa mga sinisilip na anggulo ng pulisya sa brutal na pamamaslang sa isang 23-anyos na service crew ng isang 24-hour burger stand sa Brgy. San Fermin, Cauayan City, Isabela kamakalawa ng madaling araw.?
Natagpuan ng Scene of the Crime Operatives ang bangkay ni Niña Bassig ng Brgy. Flores, Naguilian na naliligo sa sariling dugo sa gawing pintuan ng mobile stand at pinaniniwalaang pinatay sa pagitan ng alas-4 hanggang alas-5 ng umaga. ?
Ayon kay SPO4 Rodante Sinuto; isinantabi nila ang anggulong pagnanakaw bilang motibo sa krimen dahil hindi nagalaw ang perang pinabentahan ng biktima sa kanyang kahon.?
Nagtamo ng sampung saksak sa iba’t ibang bahagi ng katawan ang biktima na sanhi na agad nitong kamatayan.
Inimbitahan ng pulisya ang ka-live-in ng biktima na si Randy Layugan na isang empleyado ng makinarya sa nasabing lungsod subalit itinanggi nitong may kinalaman siya sa nasabing pagpatay. Isinasailalim pa sa masusing imbestigasyon ang krimen.