LEGAZPI CITY, ALBAY - Isang Indian national ang nasawi nang pagbabarilin ng ‘di ikilalang suspek habang abala sa paniningil ng kanyang mga pautang sa Barangay Bagumbayan, Ligao City kamakalawa.
Hindi na umabot pang buhay sa ospital ang biktima na si Harpreet Signh, 34, negosyante at residente ng Doan Maria Subdivision, Barangay Tagas, Daraga, Albay.
Sa imbestigasyon, dakong alas-2:30 ng hapon habang naglalakad ang biktima nang lapitan umano ng isang lalaki na armado ng kalibre .45 pistola at bigla na lamang siyang pinagbabaril. Katatapos lamang umanong mangolekta ang biktima ng kanyang mga pautang na negosyong “five six†sa ilang mga residente ng naturang barangay nang tambangan ng salarin.
Patungo pa sana ang biktima sa isa pa niyang suki upang maningil nang paulanan siya ng bala ng suspek.