Mister inutas sa harap ng misis
LEGAZPI CITY, ALBAY, Philippines – Patay ang isang mister matapos na pagbabarilin sa harapan ng kanyang misis ng hindi pa nakilalang riding-in- tandem na mga salarin sa naganap na karahasan sa Brgy. Mabato-Bato, Mandaon, Masbate kahapon ng umaga.
Kinilala ang biktima na si Bonifacio Claro, 39 taong gulang, may-asawa, fish vendor at residente ng Brgy. MaoliÂngan ng nasabing bayan.
Bandang alas-7 ng umaga habang ang biktima ay kaangkas ang kanyang misis dala ang mga ilalako nilang isda nang harangin at pagbabarilin ng riding-in- tandem na mga salarin sa nasabing lugar.
Nagtamo ng tama ng bala ng cal.45 pistol sa ulo at katawan ang biktima bunsod upang sumemplang ang motorÂsiklong minamaneho nito na ikinasugat din ng kanyang misis na si Marintes.
Patuloy namang inaalam ng pulisya ang motibo ng krimen at naglunsad na rin ng hot pursuit operations laban sa mga suspek.
- Latest
