TUGUEGARAO CITY, Philippines - Pinugutan ng kanyang mga naka-pot session ang 22-anyos na binata na natagpuang naliligo sa sariling dugo sa beach resort sa Barangay Karingking sa bayan ng Solsona, Ilocos Norte kamakalawa.
 Kinilala ni P/Senior Insp. Dexter Corouz ang biktima na si Danny Mata ng Barangay Manalpac sa nasabing bayan.
 Natagpuan sa crime scene ang ilang shabu at drug paraphernalias kung saan sinasabing napagtripan ang biktima ng mga naka-jamming. Inaalam pa ng pulisya ang pagkakakilanlan ng mga suspek.