BULACAN, Philippines - Kamatayan ang sumalubong sa 35-anyos na dating pulis matapos ratratin ng riding-in-tandem assassins sa Barangay Tabang sa bayan ng Plaridel, Bulacan kahapon ng madaling-araw. Limang tama ng bala sa katawan ang tumapos sa buhay ni ex-P01 Froilan Domingo na dating nakatalaga sa Regional Public Safety Company sa Camp Olivas, Pampanga at nakatira sa Barangay Sta. Rita sa bayan ng Guiguinto, Bulacan. Base sa pagsisiyasat ni PO1 Bart Ramos, natagpuan ang bangkay ng biktima bandang alauna ng madaling araw sa gilid ng Cagayan Valley Road sa harapan ng Ma. Ramona Subdivision. Narekober sa crime scene ang limang basyo ng cal. 45 pistol, pitaka na naglalamang ng mga dokumento at pera habang patuloy naman ang imbestigasyon ng plisya.