Love You Stranger, nakaiintriga!

Teasers pa lang ay marami na ang naiintrigang viewers sa upcoming Kapuso serye na Love You Stranger na pagbibidahan nina Gabbi Garcia at Khalil Ramos at mapapanood ngayong Hunyo sa GMA 7.

Nauna nang napanood ang mala-shadow animation na atake na nagpapakita ng tila dark theme ng serye. Sumunod ang pasilip sa misteryo ng Lilom ng Sta. Castela kung saan makikita si Andrea del Rosario na tila hinila ng aninong kinatatakutan niya.

Paano nga ba iikot ang kwento nina LJ (Gabbi) at Ben (Khalil) na pagtatagpuin ng tadhana dahil sa misteryosong nilalang na tinatawag na Lilom?

Ang mga bida sa serye na sina Gabbi at Khalil, looking forward nang mapanood ng viewers ang first primetime series nila together na matagal ding natigil ang taping dahil sa pandemya.

Say ni Khalil, “We’re really excited to share with you ang kuwento na binuo ng Public Affairs na napakaganda. Maraming matututunan [sa] napakalaman na script. Mahal na mahal namin ni Gab ‘yung materyales.”

Worth it nga raw ang dalawang buwan na lock-in taping ayon kay Gabbi. “Hindi biro ‘yung two months, talagang na-test ‘yung patience namin and ‘yung love namin for our craft, which is, I think, very, very successful naman for the both of us.”

Aabangan din sa serye ang mga charater nina Gil Cuerva, Kim de Leon, Lexi Angeles, Tonton Gutierrez, Carmi Martin, Maey Bautista, Lui Manansala, Bodji Pascua, Dindo Arroyo, Ces Quesada, Soliman Cruz, Nor Domingo, Alex Medina, at Angeli Sanoy.

Team PH, ramdam sa Cannes Filmfest

Matapos ang dalawang taong virtual na partisipasyon dahil sa pandemya, nagbabalik ang Pilipinas sa Cannes, France, sa isa sa mga pinakaprestihiyosong film festival sa buong mundo, ang Cannes Film Festival, at sa industry counterpart nito, ang Marché du Film, sa pangunguna ng Film Development Council of the Philippines (FDCP).

Nagbalik din ang Philippine-Singapore Pavilion kasama ang Singapore Film Commission, sa Village International-Riviera ng Cannes.

At kasabay ng ika-75 na edisyon ng Cannes ngayong taon ay ang pagdiriwang ng ika-75 taon ng diplomatic relations sa pagitan ng Pilipinas at France.

“It is truly an honor to jumpstart the FDCP’s mission of bringing the best of Philippine Cinema to the rest of the world, after two years of hiatus because of the pandemic, in Cannes. This year’s participation is extra special, for the 75th edition of Cannes coincides with the 75th celebration of diplomatic relations between the Philippines and France. We have prepared a lineup of events for the festival’s duration to showcase and promote the country’s delegation and FDCP’s programs,” ang pahayag ni FDCP Chairperson at CEO Liza Diño.