Miss Universe tuloy kahit may nag-positive na kandidata, Beatrice hindi milyon ang followers

Ahh tuloy naman pala ang Miss Universe 2021 na gaganapin sa bansang Isreal.

Ito ay kahit na nga napaulat kahapon na nag-positive sa COVID ang representative ng France na si Clemence Botino.

Nagulat nga raw ang Miss Universe France sa kanyang pag-positive at iniyakan ito.

Isa ang Israel sa mabilis nagsara sa foreign travelers matapos nilang ma-detect ang isang kaso ng Omicron variant na nanggaling diumano sa South Africa.

Anyway, mapapanood ng pageant fans ang 70th Miss Universe Competition ng live sa Dis. 13 simula 7:30 ng umaga sa A2Z channel 11.

Galing Cebu City si Beatrice Luigi Gomez na pambato ng bansa pero wala pang kalahating milyon ang followers niya sa kanyang Instagram page kaya nanghihingi rin siya ng suporta.

Makakaharap ng Pinay beauty queen ang mga kandidata mula sa iba’t ibang bansa sa mundo na nagnanais manahin ang koronang suot ngayon ni Miss Universe 2020 Andrea Meza ng Mexico.

Maaari siyang suportahan ng publiko sa pamamagitan ng pagboto sa kanya sa Miss Universe app para sa pwesto sa semifinals.