Warehouse ni-raid: P590 milyong illegal goods samsam
CAVITE – Mahigit P590 milyong halaga ng iba’t ibang counterfeit goods ang nasamsam ng mga tauhan ng Bureau of Customs (BOC) sa ikinasang pagsalakay sa isang malaking warehouse sa lungsod ng Bacoor, ayon sa ulat kahapon.
Nabatid na sakay ng dalawang 40 feet na container van ang mga imported goods na ipinasok sa isang warehouse sa Maclane Storage Facility sa may Niog Road, Bacoor City.
Laman ng mga ito ang mga counterfeit goods na pawang may mga branded products tulad ng Nike, Adidas, Lacoste, Dickies at iba pang mga kilalang pangalan. Karamihan dito ay mga T-shirts habang ang iba pa ay mga construction supplies, power tools, numerous marine communication and telecommunication devices at iba’t ibang foodstuff.
Nadiskubre ang mga illegal na produkto matapos ang paglusob ng pinagsanib na puwersa ng Bureau of Customs, CIIS at AFP operatives sa naturang lugar bitbit ang Letters of Authority (LOA) na inisyu ni Customs Commissioner Rey Leonardo Guerrero para sa “inspection and search operation” sa nasabing warehouse kung saan ibinabagsak ang iba’t ibang imported goods.
Kasalukuyan nang iniimbestigahan ng kinauukulan ang kinatawan ng nasabing warehouse gayundin ng mga container van at hinahanapan ng mga kaukulang dokumento at permits sa importasyon.
Mahaharap sa kasong Intellectual Property Code of the Philippines (RA 8293) and the Customs Modernization and Tariff Act (RA 10863) ang mga sangkot sa nasabing insidente.
- Latest
