Magdyowa huli sa higit P1 milyong shabu

PAGBILAO, Quezon, Philippines – Kalaboso ang mag-live in partner makaraang masakote sa buy-bust operation at makumpiskahan ng mahigit P1 milyong ha­laga ng droga, kamakalawa ng umaga sa Sitio Lagpan, Barangay Ibabang Palsabangon ng bayang ito.

Kinilala ng pulisya ang mga nadakip na sina Jhon Nico Reyes Talingting at Sharmaine Lecaros Ferreras.

Ayon sa mga otoridad, tinatayang aabot sa P1,316,004.00 ang halaga ng pinaghihinalaang shabu na nakum­piska sa mga suspek nang magpositibo ang transaksyon sa kanila ng isang poseur buyer.

Base sa imbestigas­yon, 14 plastic sachet ng shabu at P10,000 marked money ang nabawi sa mga suspek na kinasuhan na ng paglabag sa RA 9165 o Comprehensive Dangerous Drugs Act of 2002.