Mt. Kanlaon nag-alboroto, 18 pagyanig naitala
MANILA, Philippines — Naobserbahan ng Philippine Institute of Volcanology and Seismology (Phivolcs) ang dagdag na aktibidad sa Bulkang Kanlaon.
Base sa abiso, bandang alas-10:30 ng umaga kapapon ay nakapagtala ng 18 volcanic earthquakes ang Kanlaon Volcano Network (KVN) sa nakalipas na 24 oras.
Kabilang sa nabanggit na aktibidad ang apat na mababaw na tornillo signals na may kaugnayan sa magmatic gas movement sa bahagi ng upper volcanic slopes.
Nakapagtala rin ng hanggang 200 metro lamang ang inabot ng low steam-laden plumes ng bulkan.
Sa kabila ng dagdag na aktibidad, nananatili pa rin sa Alert Level 1 o nasa abnormal condition ang Bulkang Kanlaon.
Patuloy na pinapayuhan ang mga lokal na pamahalaan at ang publiko na bawal ang pagpasok sa apat na kilometrong radius ng Permanent Danger Zone (PDZ) at ang paglipad ng anumang aircraft malapit sa tuktok ng bulkan.
- Latest
