3 nasakote sa buy-bust sa Angeles
ANGELES CITY, Pampanga, Philippines — Swak sa kulungan ang tatlong hinihinalang tulak ng droga matapos ang matagumpay na magkahiwalay na buy-bust operation ng City Drug Enforcement Unit sa Brgy. Balibago at Brgy. Sto. Domingo ng lungsod na ito, kamakalawa ng gabi.
Sa ulat buhat sa tanggapan ni City Drug Enforcement Unit commander, P/Major Aris Gonzales, kinilala ang mga nadakip na suspek na sina Kim Ranzel Lumanlan, 26, nasa drug watchlist ng pulisya at residente ng 10th Street, Brgy. Lakandula, Mabalacat City; Royce Christian Sagun, 24, ng Phase II San Ignacio, Brgy Pandan, Angeles City at Ralph Allen Bunag, 25, ng Fiesta Community, Brgy. Paralaya, bayan ng Porac.
Nasamsam sa mga suspek ang nasa humigit kumulang sa 5-gramo ng hinihinalang shabu na may street value na P34,000.00 at 100 gramo ng hinihinalang pinatuyong dahon ng marijuana na may halagang P12,000, isang unit ng Yamaha MIO na may plakang CD-90120 at perang ginamit sa nasabing operasyon.
Kasong paglabag sa Comprehensive Dangerous Drugs Act of 2002 ang kakaharapin ng tatlong suspek.
- Latest
