Malonzo kasama na sa Gilas Pool
MANILA, Philippines — Opisyal nang kasama si NorthPort flying forward Jamie Malonzo sa training pool ng Gilas Pilipinas.
Ito ay matapos siyang ideklara ng FIBA, ang international basketball federation, na eligible at maaaring katawanin ang Pilipinas sa mga torneo bilang isang local player.
“I know that’s just the first step. Getting on the team is one thing,” sabi ng 6-foot-7 na si Malonzo. “But, hopefully, I get the chance to represent the country and make my family, my mom, and everybody proud.”
Ang ama ni Malonzo ay isang African-American habang ang kanyang ina ay tubong Batangas at nakakuha ng Philippine passport sa edad na 8-anyos.
Sa pagbibigay sa kanya ng clearance ng FIBA ay ikinukunsidera nang isang local player ang 25-anyos na si Malonzo.
“Now that I just got cleared by FIBA, it’s super exciting,?” sabi ng dating kamador ng La Salle Green Archers sa UAAP. “For me, it still feels surreal that I’m just eligible. It’s like a dream come true.”
Nilinaw ni Gilas Pilipinas coach at program director Chot Reyes ng TNT Tropang Giga na kailangan pa ring magtrabaho si Malonzo para makakuha ng posisyon sa koponan.
Isang UAAP season lamang naglaro si Malonzo para sa Green Archers at kaagad sumalang sa 2020 PBA Rookie Draft kung saan siya pinili ng Batang Pier bilang No. 2 overall pick.
- Latest
