144 katao huli sa gun ban
MANILA, Philippines — Umabot na sa 144 katao ang nahuling lumalabag sa election gun ban simula nang ipatupad ng Philippine National Police (PNP) noong Enero 9, 2022.
Ayon kay PNP Chief Gen. Dionardo Carlos, nasa 512 firearms ang nakumpiska sa isinagawang operation kabilang ang deadly weapon at replica guns.
Base sa Commission on Election resolution, ipinagbabawal ang pagdadala, pagbibiyahe ng mga baril o deadly weapon sa labas ng bahay at mga pampublikong lugar mula Jan. 9 hanggang June 8, 2022 sa pagsisimula ng election period.
Ang paglabag sa kautusan ay mayroon kaparusahan ng pagkakakulong ng 1 taon hanggang 6 na taon na walang probation.
Maari ring maharap sa disqualification sa paghawak ng public office, pagboto at pagkansela o disqualification sa pagkuha ng gun license.
- Latest