Quarantine protocols sa mga dayuhan luluwagan
MANILA, Philippines — Pinag-aaralan na ng Department of Health (DOH) ang panukalang luwagan ang quarantine protocols para sa mga dayuhang bisita sa bansa.
Sinabi ni Health Undersecretary Maria Rosario Vergeire nitong Sabado sa Laging Handa briefing na ito ngayon ang pag-uusapan ng DOH kasama ang mga eksperto.
“We are studying this, together with our experts, kung ano ang rekomendasyon na maibibigay natin,” ani Vergeire.
Ito’y kaugnay sa naging panawagan ni Presidential Adviser for Entrepreneurship Joey Concepcion na mula sa facility-based quarantine tay gawin na lamang home-based quarantine ang para sa mga international visitors.
Inatasan na rin aniya ng Inter-Agency Task Force ang DOH na pag-aralan na ang proposal para makapagbigay ng rekomendasyon.
Sakaling maaprubahan ang panukalang alisin na ang facility-based quarantine control, magiging handa aniya, ang bansa sa iba pang mga layer ng border control para sa mga international arrivals.— Malou Escudero
- Latest
