Bakunadong seniors pinapayagan sa Metro Manila malls
MANILA, Philippines — Nilinaw kahapon ng Malacañang na hindi binabawi ang incentive sa mga bakunadong senior citizens sa national capital region na nasa Alert Level 3 na maaari silang lumabas at magtungo sa mga malls.
Ginawa ni Presidential spokesperson Harry Roque ang paglilinaw dahil may mga mall operators na hindi pa rin nagpapapasok ng mga senior citizens o 60 taong gulang pataas kahit kumpleto na ang bakuna.
Ayon kay Roque, ang mga bata ang hindi pa pinapayagan dahil hindi pa kumpleto ang kanilang bakuna.
Halos lahat ng mga negosyong pinapayagan sa Alert Level 3 ay maaaring pumasok ang mga kumpleto na ang bakuna pero limitado sa 30% na kapasidad.
Nasa halos 17 milyon doses na o 16,975,433 total doses ang naiturok na bakuna sa Metro Manila.
Sa nasabing bilang 92.85% ang nakatanggap ng first dose o katumbas ng 9,077,651 habang 80.78% ang fully vaccinated o katumbas ng 7,897,782.
- Latest