Unity ticket para sa single opposition malabo
MANILA, Philippines — Napakaliit ng tsansa na magkaroon ng iisang presidential candidate ang oposisyon para sa May 2022 national elections.
Sinabi ito ni Sen. Panfilo Lacson, dahil matapos na makipag-usap sina Vice-President Leni Robredo kina Sen. Manny Pacquiao at Manila Mayor Isko Moreno ay nag-anunsiyo naman ang dalawa ng kanilang pagtakbo bilang pangulo sa susunod na taon.
Dahil dito, ayon kay Lacson ay hindi niya nakikita ang posibilidad na magkaroon ng 1 unity ticket ng oposisyon.
Bagama’t posible rin umano ay napakaliit lang ng tsansa at kung mayroon mang bukas na pinto ay napakasikip ng daanan na ito.
Sa ngayon ay dapat hintayin na lamang umano ang Oktubre 8 at ang Nobyembre 15 na huling paghahain ng substitution para malaman kung ilan talaga ang pormal at opisyal na kandidato.
- Latest