PBA mag-a-adjust sa EASL ‘Champions Week’ schedule
MANILA, Philippines — Hahanap ng paraan ang Philippine Basketball Association (PBA) para makapag-adjust sa iskedyul ng ‘Champions Week’ ng East Asia Super League (EASL) sa susunod na taon.
Nauna nang kinansela ng EASL ang paglulunsad ng kanilang ‘home and away’ tournament dahil sa pagpapatupad ng ilang Asian countries ng COVID-19 health and safety protocols.
Ang 2022 PBA Philippine Cup champions na San Miguel at runner-up na TNT Tropang Giga ang kakatawan sa PBA sa EASL ‘Champions Week’.
“I think doable,” wika kahapon ni PBA Commissioner Willie Marcial matapos ang kanyang virtual meeting kina EASL CEO Matt Beyer at league CFO Henry Kerins. “Adjust lang natin ang schedule ng San Miguel at TNT.”
Bukod sa Beermen at Tropang Giga ng PBA ay sasalang din sa nasabing torneo ang mga top two teams ng Japan B.League, Korean Basketball League at P.League+.
- Latest
