Cignal Player of the Week si Baclaan
MANILA, Philippines — Hinirang si rookie guard Kean Baclaan ng Builders Warehouse-UST bilang Cignal Play-PBA Press Corps D-League Player of the Week.
Ito ay matapos niyang tulungan ang No. 6 Growling Tigers sa 98-93 panalo sa No. 3 Adalem Construction-St. Clare Saints sa kanilang quarterfinals match sa 2022 PBA D-League Aspirants’ Cup.
Humataw ang dating kamador ng La Salle-Zobel ng 35 points tampok ang tatlong triples sa nasabing paghirit ng Builders Warehouse-UST ng ‘do-or-die’ game sa Adalem-St. Clare para sa ikaapat at huling semifinals berth.
Tinalo ng 19-anyos na si Baclaan para sa weekly award sina Romel Calahat ng Apex Fuel-San Sebastian, Raven Cortez ng EcoOil-La Salle, Johnsherick Estrada ng Adalem-St. Clare, Juan Gomez de Liano ng Marinerong Pilipino at teammate Sherwin Concepcion.
- Latest