Sino ang magiging PBA Rookie Draft top pick?
MANILA, Philippines — Magkakaalaman na kung sino ang tatanghaling top pick overall sa pagsambulat ngayong araw ng 2022 PBA Rookie Draft sa Robinsons Place sa Ermita, Manila.
Magsisimula ang draft sa alas-4 ng hapon.
Isa sa pinakamainit na rookie applicant si Fil-foreign Brandon Ganuelas-Rosser matapos mawala ang ilang key players sa listahan.
May 66 players na lang ang natira matapos magpasya si Justine Baltazar na magwithdraw upang maglaro sa Japan B.League habang bigo si G League player Sedrick Barefield na makakuha ng Philippine Passport.
Maliban kay Ganuelas-Rosser, inaabangan din sina Arellano star Justin Arana, Fil-Am forward Jeremiah Gray, ex-B. League player Javi Gomez de Liaño at Ateneo guard Gian Mamuyac.
Ang Blackwater ang unang pipili sa edisyong ito kung saan posibleng isa kina Ganuelas-Rosser at Arana ang hugutin nito.
Hawak din ng Blackwater ang No. 9 at No. 11 picks.
Sa Terrafirma naman ang No. 2 pick habang sa Converge ang No. 3 at No. 4 picks, sa Rain or Shine ang No. 5 at No. 10, sa NorthPort ang No. 6, sa NLEX ang No. 7 at sa Ginebra ang No. 8.
Pinakahuling pipili sa first round ang Magnolia.
Walang first round picks ang TNT at San Miguel Beer.
- Latest