^
Diaz determinado sa Olympics gold
Hidilyn Diaz

Diaz determinado sa Olympics gold

Russell Cadayona (Pilipino Star Ngayon) - April 20, 2021 - 12:00am

MANILA, Philippines — Imbes na umuwi sa Pilipinas ay babalik si 2021 Olympic Games qualifier Hidilyn Diaz sa kanyang training camp sa Kuala Lumpur, Malaysia para mu-ling sumabak sa ensayo.

Ito ay dahil determinado ang tubong Zamboanga City na maibigay sa Pilipinas ang kauna-unahang gold medal sa Olympics.

Pumuwesto sa ikaapat si Diaz sa women’s 55-kilogram division ng Asian Weightlifting Championships sa Tashkent, Uzbekis-tan kamakalawa ng gabi.

“Sabi ko, kailangan ko pa ng more muscle me-mory at more confidence at kailangan ko talaga nitong laro, para mas lalong makilala ko ‘yung sarili ko pagdating sa laro,” wika ng 2016 Rio de Janeiro Olympic silver medalist.

Binuhat ni Diaz ang 94kg sa snatch at 118kg sa clean and jerk para sa kabuuang 212kg sa ilalim nina gold medalist Liao Qiu-yun (222kg), silver medalist Li Yajun (221kg) ng China at bronze medalist Muattar Nabieva (213kg) ng Uzbekistan.

“Ang dami ko pang kailangang gawin,” sabi ni Diaz sa kanyang preparas-yon sa 2021 Olympics sa Tokyo, Japan. “Kailangan ko pang bugbugin ang sarili ko sa training. I think iyon ‘yung maganda sa larong ito-- natalo ako, pero ang dami kong natutunan.”

Sasabak si Diaz sa kanyang pang-apat na Olympic appearance matapos noong 2008 (Beijing), 2012 (London) at 2016 (Rio de Janeiro, Brazil).

Si Diaz ang pang pitong Pinoy na lalahok sa 2021 Tokyo Games sa Hulyo 23 hanggang Agosto 8 kasama sina gymnast Carlos Edriel Yulo, pole vaulter Ernest John Obiena at boxers Eumir Felix Marcial, Irish Magno, Nesthy Petecio at Carlo Paalam.

“Let’s move on to the ultimate challenge, the Tokyo Olympics” ani Samahang Weightlifting ng Pilipinas (SWP) president Monico Puentevella kay Diaz.

HIDILYN DIAZ
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with