Basilan vs Davao sa MPBL South Finals
DAVAO, Philippines — Umarangkada si Allyn Bulanadi ng 35 puntos upang iangat ang Basilan Steel sa 84-76 panalo kontra sa Bacoor Strikers at itakas ang huling Finals berth ng Southern Division sa do-or-die semifinal match sa 2019-2020 MPBL-Chooks-to-Go Lakan Cup semifinal round sa Strike Gym sa Bacoor, Cavite.
Tabla pa ang laban sa Game 3 ng best-of-three semis series, 71-71, ngunit kumonekta si Bulanadi ng triples mahigit 1:26 na lamang ang natitira para tapusin ang serye, 2-1. Nagwagi rin ang Basilan, 77-63, sa Game 1 bago natalo sa Game 2 (69-80).
Makakaharap ng Basilan ang Davao Occidental Tigers sa Game 1 ng best-of-three series simula ngayong araw sa alas-8:30 ng gabi sa Rizal Memorial College Gym sa Davao City.
Ito ang unang Division Finals ng Basilan makaraang tumapos lamang sa 12th spot sa 7-18 win-loss kartada sa nakalipas na Datu Cup.
- Latest
