ONE Championship tuloy!
Closed-door nga lang...
MANILA, Philippines — Walang makapipigil sa mainit na bakbakan sa ONE: King of the Jungle sa Pebrero 28 sa Singapore Indoor Stadium.
Subalit walang maaaring makapanood ng laban ng live dahil nagdesisyon ang pamunuan ng ONE Championship na gawin itong closed-door event bunsod ng coronavirus outbreak.
Naglabas ng pinal na desisyon ang mga organizers base sa inilabas ng Ministry of Health ng Singapore na umabot na sa 75 ang kumpirmadong tinamaan ng coronavirus.
Tiniyak naman ni ONE Chairman/CEO Chatri Sityodtong na magkakaroon pa rin ng pagkakataon na makapanood ang mga fans sa pamamagitan ng telebisyon at ilang digital platforms sa mahigit 150 bansa sa mundo.
Ipinaalam din sa mga fans na maaaring i-refund ang mga tiket sa Sportshub Tix ang official ticketing partner ng ONE Championship sa Singapore.
- Latest
